Når staden blomstrar!

Eg kjende roen senke seg medan eg spaserte frå sentrum til Førde Gjestehus og Camping. Eit steg om gongen, gjennom eit landskap eg har vore i mange gonger før, men denne gongen med eit ekstra lag av meining.

Langs vegen

Eit gamalt, raudt hus på grøn slåttemark

Sauar som beitar

Ei herleg blanding av by og bonde, av røter og rørsle

Ein påminnar om det vi vil ta vare på, og det vi skal bygge vidare på

Eg hadde reist med båt frå Måløy til Florø, og tatt bussen vidare til Førde. Offentleg transport, akkurat slik vi heiar på i arbeidet vårt. Eg likar ventetid. Ho gir plass til tankar og pust. Ei bok i veska, alltid.

Denne gongen las eg ikkje. Eg berre sat. Og såg. Kjende. Reflekterte.

I går fekk FjordKysten og Sunnfjord ta imot diplom for Merket for Berekraftig Reisemål saman med Askvoll kommune, Fjaler kommune, Hyllestad kommune, Kinn kommune, Solund kommune og Sunnfjord kommune. Eit felles løft for regionen og ei anerkjenning av innsatsen som er lagt ned av kommunar, næringsliv, destinasjonsselskap og eldsjeler over tid.

Men det handlar om meir enn diplom og dokumentasjon.

For destinasjonsutvikling er ikkje lenger å rope høgast eller å jage klikk og volum.

Det handlar om å berøre hjarte.

Å skape retning, verdi og tillit i eit landskap der folk har navigasjonen i lomma og valfridom på fingertuppane.

Vi er ikkje berre marknadsførarar

Vi er vertskap

Forvaltarar

Av landskap og livskraft

Av moglegheiter og meining

Enno er dette ulendt terreng for mange, men eg har trua

På verdien for fellesskapet

På skilnaden mellom Keisaren sine nye klede og ekte transformasjon

Det handlar ikkje berre om å forvalte eit reisemål, men om val forankra i eit nytt verdigrunnlag, eit endra tankesett

Vi skal ikkje pakke staden inn i glanspapir

men vise fram det sanne, det levde

Våge å vere ærlege

Vare

Tilstade

For reisande søker ikkje berre utsikt

Dei søker innsikt

Tilhøyrigheit

Oppleving som rører noko djupt

Då må vi også ta vare på det som bur her

på rytmane, naturen, kulturen og menneska

For når staden blomstrar, då blomstrar alt rundt han også

Takk til alle dykk som gjer arbeidet mogleg

Takk for innsats, samarbeid, tålmod og retning

Og takk til Innovasjon Norge Reiseliv for ramma som gjer det mogleg å bygge heilskap, ikkje berre tiltak

Så kanskje vi, saman, kan legge bak oss det som har vore

Utan å gløyme, men med vilje til å gå vidare

Tre inn i noko som kjennest sant

Noko vi kjenner i kroppen

Noko vi trur på

Eg sat med blomar i fanget på vegen heim

Ein symbolsk takk, men også eit lite frø

For alt som spirer, veks og verkar når vi tør å vere vertskap

for både staden og kvarandre